Como podemos observar na seguinte gráfica, dende a súa orixe, o punto 0, ata o punto A, o río leva a auga limpa. Deste xeito, a cantidade de osíxeno disolto é alta, os sólidos en suspensión son escasos e a Demanda Biolóxica de Osíxeno, a DBO, é baixa.
Agora ben, no punto A prodúcese un vertido sen depurar, tratándose probablemente de augas residuais cun alto contido en materia orgánica. Deste xeito, podemos observar que, inmediatamente, aumenta a cantidade de sólidos en suspensión, así como a DBO.
A continuación, no punto B practicamente desapareceron os sólidos en suspensión, mais a cantidade de carbono disolto na auga todavía debe de permanecer alta, xa que a DBO aínda é importante e a cantidade de osíxeno é baixa.
Finalmente, no punto C, o río recuperou totalmente a calidade da súa auga: o osíxeno disolto volve a ter valores altos, a DBO baixou considerablemente e non hai practicamente sólidos en suspensión.
En conclusión, a gráfica pon de manifesto a capacidade de autodepuración dunha corrente fluvial.
2. Que é a DBO? Que relación garda a súa variación ó longo do cauce coa variación da concentración de osíxeno? Que ocorre cos sólidos en suspensión ó longo do proceso?
A DBO, isto é, a Demanda Biolóxica de Osíxeno trátase da cantidade de osíxeno necesaria para oxidar biolóxicamente (dito doutra maneira, para respirar) a materia orgánica contida nun determinado volume de auga. Así, a DBO e a cantidade de osíxeno disolto (OD) atópanse en relación inversa: se aumenta a primeira, necesariamente ten que descender a segunda, así como a segunda soamente pode ser alta se a primeira é baixa e o medio está o suficientemente axitado como para facilitar a disolución do osíxeno.
Agora ben, ó longo do cauce, a cantidade de osíxeno é alta ó principio, mais descende bruscamente no punto do vertido, mostrando, pois, que se trata dun vertido cunha alta concentración de materia orgánica. Con todo, recupérase lentamente ata que no punto C alcanza valores similares ós que tiña antes do vertido, indicando así que o proceso de autodepuración rematou.
3. Que outros parámetros químicos se miden para determinar a calidade das augas?
Para determinar e medir a calidade das augas pódense utilizar outros indicadores tales como o COT, o DQO, o DBO5 ou o pH.
Primeiramente, o COT, é dicir, o Carbono Orgánico Total é a concentración de carbono procedente de materia orgánica que se atopa nun determinado volume de auga. A continuación, o DQO, ou Demanda Química de Osíxeno, trátase da cantidade de osíxeno necesaria para oxidar por métodos químicos (sen intervención ningunha da actividade biolóxica) a materia orgánica presente na auga.
Por outro lado, o DBO5 é a cantidade de osíxeno necesaria para oxidar biolóxicamente, mediante a respiración aerobia, a materia orgánica contida nun determinado volume de auga, tras cinco días de repouso. E por último, o pH constitúe a acidez da auga, cuxos valores normales deben indicar un medio neutro, estando este próximo a 7. Así, uns valores moi baixos indican un medio ácido que pode conter metais pesados en disolución, mentres que outros valores altos mostran unha actividade descompoñedora, ou mesmo vertidos industriais.
Moi completa.
ResponderEliminar